×
Sign Up Support

Writer Login

Forgot password?
साहित्य

मेरो विश्वासको सगरमाथा

Shiva P. Nepal
Shiva P. Nepal 9 MONTHS AGO
साहित्य

मेरो विश्वासको सगरमाथा

त्यो हावाको मलिनो धक्काले

धरमराउने भए,

सजिलै ढल्ने भए,

किन मैले सगरमाथा ! तिमीलाई

मेरो छातिको गहिराइमा

सधैभरि एउटा अदभूत प्राप्ति,

उचाइको गर्व

सम्झेर बोकें त ?

तिम्रो शिरको गर्व छ

तिम्रो उचाइको गर्व छ मलाई

म बोक्न सर्कौ

युगयुगसम्म तिम्रो वजन

थेग्न सकुँ तिम्रो उचाइ

जीवनभर ।

मेरो सगरमाथा!

तिमीभन्दा अग्लो को छ मैले देखेको संसारमा ?

तिमी छौ र त म बाँचेको छु,

तिमी छौ र त म गर्विन्छु,

तिमी छौ र त म आश्रित छु,

तिमी छौ र त म चिनिन्छु,

तिमी छौ र त म पनि छु जस्तै देखिन्छु ।

तिमी ढल्नु त कता हो कता

नाम्चेबजारमात्र काँप्यो भने

सगरमाथा!

मेरो त रक्तसंचार टुट्छ,

कोषिकाहरु विकलांगिन्छन

अनि के अस्तित्व मेरो चेतनाहीन शरीरको ?

सगरमाथा!

तिमी र म अन्योन्याश्रित भएसम्म

मेरा जीजीविशा तिमीसम्म पुग्दै

तरंगित र अंकुरित भैरहन्छ

किनकि

जीवन आखिर तिम्रो पहिचान

र मेरो गर्वमा मुस्काउँछ

युगयुगसम्म सगरमाथा

तिमी हल्लीने कल्पनै नगर

मेरो विश्वासको सगरमाथा !

तिमी हल्लिदा मेरो जग भासिन्छ भने

तिमी ढल्ने चेष्टा नगर सगरमाथा !

मेरो शरीर रहेसम्म

तिमी विश्वासको सगरमाथा हौ

त्यसपछि पनि तिमी मेरै सगरमाथा हौ

जुन ढल्दैन सितिमिति

गल्दैन सजिलै

केही हिमपहिरो आउला जाला

तिम्रो वरिपरि

तरपनि तिमी सगरमाथा हौ!

रित्तिन्न हीमपहिराहरुले ।

विश्वासको सगरमाथा !

म रहुँला, नरहुँला

तर

भावी सन्तानकालागि भएपनि

एउटा अजेय खम्वा बनेर

ठडिनुपर्छ तिमी

त्यसैले सगरमाथा!

तिमी झुक्ने चेष्टा नगर ।

तिम्रो गर्भमा अटाएका विशाल चट्टान

के त्यो कमजोर जग हो र ?

सानातिना भूकम्पका धक्का त

तिम्रो जगमै विलाउँछ भने

ससाना हावाका पित्काहरुदेखि

किन डराउँने ?

किन आत्तिने ? त्यसैले,

मेरो विश्वासको सगरमाथा !

हल्लिने चेष्टा नगर

Similar Articles

पातालको सुस्केरा !

पातालको सुस्केरा !

बाबा शैल बनेर ठिंग उभिंदा आमा बनी पंजर माया काव्य बनेर मर्म भरियो काया हुँदै जर्जर &..

9 MONTHS AGO